​ពិធី​ស​ង្ក្រា​ន​វិទ្យាស្ថានជាតិបណ្តុះបណ្តាលបច្ចេកទេស (NTTI)

ដើម្បី​ជាការ​អបអរសាទរ​នា​ឱកាស​បុណ្យ​ប្រពៃណីជាតិ​ខ្មែរ ដែល​នឹង​ឈានចូល​មកដល់ នាពេល​ខាងមុខនេះ វិទ្យាស្ថាន​ជាតិ​បណ្តុះបណ្តាល​បច្ចេកទេស  (N.T.T.I) បានរៀបចំ​កម្មវិធី សង្ក្រាន្ត​ក្នុង​គោលបំណង​ពិ​ព័រ​ណ៌​បង្ហាញ​សមិទ្ធផល​ស្នាដៃ​និស្សិត​បច្ចេកវិទ្យា​តាម​ជំនាញ​បច្ចេកទេស ក៏ដូចជា​បង្កើន​ទំនាក់ទំនង​រវាង​គ្នា​និង​គ្នា រវាង​គ្រូ​និង​សិស្ស និង​រវាង​និស្សិតនិង​និស្សិត​។​

​នៅក្នុង​ពិធី​ស​ង្ក្រា​ន​វិទ្យាស្ថាន អ៊ិន​ធី​ធី​អាយ នៅ​រសៀល​ថ្ងៃទី​៣១ ខែមីនា ឆ្នាំ​២០១៨​នេះ ឯកឧត្តមបណ្ឌិត យ៉ោ​ក សុធី នាយក​វិទ្យាស្ថាន បាន​លើកឡើងថា ការរៀបចំ​កម្មវិធី​នាពេលនេះ គឺ​ចង់​ឲ្យ​ប្អូនៗ​ និស្សិត និង​គរុ​និស្សិត ទាំងអស់​ដែល​កំពុង​សិក្សា​នៅ​វិទ្យាស្ថាន​ប្រមាណ​ជាង​៤​ពាន់​នាក់ ឲ្យ​ចេះ​រៀបចំ​កម្មវិធី​ដោយ​ខ្លួនឯង ក៏​ដូច ជា​បង្កើត​ភាព​ច្នៃប្រឌិត​និង​ការអភិវឌ្ឍន៍​វិស័យ​អប់រំ​បណ្តុះបណ្តាល​បច្ចេកទេស​និង​វិជ្ជាជីវៈ ដើម្បី​បង្ហាញ​ពី សម្ព័ន្ធភាព​នៃ​ប្រពៃណី​ដ៏​ផូ​ផង់​ក្នុងសង្គម​ខ្មែរ​ជាដើម​។